كيف تعرف نوعية العطر؟؟؟؟؟؟؟

السلام عليكم ورحمة الله وبركاته

دائماً مانشتري عطور وماتطلع قوية ومانعرف ليش ونقول عطر مقلد,مغشوش او مو اصلي وحرامية وماادري ايش؟!!
صحيح فيه عطور مقلدة لكنها قليلة جداً خاصة في الأسواق

هذي المشكلة كانت ملازمتني حتى عرفت وش القصة ,وهذي من فوائد تعلم الفرنسي, فقلت لازم اقولكم إياها -لمن لايعلم- وحصري بعد على منتديات السلمي

انواع العطور
أولاً :perfume
معناته عطر يعني عطر مركز ورائحته قوية وينفع للحريم في الزواجات وزي كذا...هذا الأفضل

ثانياً: eau de perfume
وهذا معناته ماء العطر , يعني مو عطر مركز 100%
ورائحته جيدة ومقبولة وثابته لحد ما وهذا اكثر الموجود
في السوق
وهذا لا يعني انه مو اصلي بل اصلي وماركة بعد ولكنه يكون نوع آخر غير الـ perfume

ثالثاً: eau de toilette
وهذا العطر دائماً يتهم بأنه مقلد(رغم أنه احيانا تكون صناعته فرنسية) ,لأنه غير ثابت يعني ساعة بالكثير

رابعاً: eau de cologne

اكيد ان هذا هو الأسوأ - لاتشترونه ابد مامنه فائدة مرة.



واللحين عرفنا أنه مو شرط ان العطر صناعته فرنسية يكون قوي واصلي . لا
فلا زم قبل ماتشتري العطر تقرأ وش مكتوب عليه ومافيه عطر يخرج عن هذه الأنواع الأربعة.ولازم تكون مكتوبة على الكرتون (لأن بعضهايكون مكتوب على الكرتون فقط)

نسيت اقول انه فيه عطور يكون اسمه واحد مثلا عطر XXXX
ويكون فيه
XXXX -perfume
XXXX- eau de perfume
وهكذا

تحياتي